قالت رحاب منيعم خبيرة علم الفلك أن القمر اليوم ولمدة يومين ونصف في برج القوس وهيقترن بعطارد الموجود في برج القوس وهيكمل فيه شهر ونص مابين متقدم ومتراجع.
وتابعت خبيرة علم الفلك في منشور رصده موقع تحيا مصر عبر حسابها الشخصي على موقع التواصل الاجتماعي فيس بوك، «اليوم النهاردة وبكرة مناسبين لتقديم طلبات السفر والهجرة وكل مايتعلق بالدراسات العليا او التعليم الجامعي مناسب لبداية تعلم لغة اجنبية، ناس كتير هتحس برغبة في السفر او زيارة اماكن اثرية او دينية».
واضافت «ربما نسمع اخبار تخص غرق مراكب او سفن او نازحين وربما مشكلة تخص حركة السفر ببعض الدول
للبعض تواصل مع اشخاص من جنسيات تانية او وصول شحنة او هدية من بلد تانية ربما عطل يخص ابلكيشن او تطبيق وصعوبة في الحفاظ على مواعيدكم خلال اليومين بيزيد اخبار الزلازل وتعرض اماكن قديمة او تعليمية لهدم او مشاكل خلال اليومين».
وتابعت «احلامكم خلال اليومين ربما تكون برجال دين او زيارة اماكن مقدسة وللبعض بيحلم بادعية او ايات قرانية والبعض بيحلم بركوب طيارة».
خبيرة فلك : مفاوضات دبلوماسية في أماكن الصراع
وكانت صرحت من قبل، «ممكن نسمع كلام عن هدنة او مفاوضات دبلوماسية في اماكن الصراع المسلح لكن للاسف مش هيكون فيها تقدم اوي لان القمر بكرة هيربع المريخ وتنعكس الطاقة تماما، من مساء الغد بتزيد طاقة النار والحوادث خاصة الاماكن القريبة من المياه او اماكن تحت الانشاء وربما حادث يخص عائلة او يكون ضحاياه نساء، بيزيد مشاكل الكلي والمثانة فاشربوا مية كتير وابعدوا عن الملح خاصة مرضي الكلي».
وكانت توقعت، رحاب منيعم في منشور رصده موقع تحيا مصر عبر حسابها الشخصي على موقع التواصل الاجتماعي فيس بوك، «ربما عملية عسكرية او تحرك عسكري أو اغتيال جديد، ربما تكون دلالة لوفاة شخصية بارزة ووفيات بالازمات القلبية بشكل مفاجئ وده ربما يستمر حوالي اسبوع بعدها الشمس هتعمل اتصالات جيدة مع زحل ونبتون لباقي موسم العقرب اللي بيستمر شهر ودي اتصالات جيدة لأخذ الحقوق وعودتها للبعض خاصة أبراج الأسد والعقرب والناريين والمائيين عموما وبنشوف بقي موسم الأمطار اللي بجد وبيزيد الحدس وانكم تكتشفوا امور مخفية عنكم ببساطة».
وتابعت «موسم الكارما اللي بجد ممكن تسمعوا امور سلبية تخص شخص ظلمكم.. البعض بيكتشف سحر او اذي من اي نوع من شخص بينتهي الاذي ده ليا كان نوعه، البعض برضه ممكن يكتشف إصابته بمرض نفسي او شخص قريب منه وهو وقت مناسب لعلاجه خاصة في نوفمبر، موسم اكتشافات اثرية وربما اكتشاف ثروات معدنية او بترولية»...
أخبار متعلقة :