نشر لاعب الزمالك السابق علي ياسر، عن تفاصيل رحيله عن القلعة البيضاء، عقب إنهاء إعارته بين صفوف مودرن سبورت، ويستعرض موقع تحيا مصر أبرز ما قاله لاعب الزمالك السابق.

رحيل علي ياسر عن الزمالك

قال علي ياسير عبر حسابه الرسمي على فيسبوك: “بعد اغلاق القيد حابب اقول حاجه بس بعد ما قطعت اعارتي مع نادي مودرن سبورت، لحد النهارده الصبح كنت مفكر اني متقيد في نادي الزمالك زي ما اتقال ليا”. 

وتابع: “بعد محاولات كتيرة من التواصل مع مسؤلين النادي قبل اغلاق القيد لا حد سأل فيا ولا اتواصل معايا عشان اعمل ابسط حقوقي اني انزل اتمرن حتي بعد ما رحت النادي اسأل علي موقفي و اني محتاج اعرف هعمل ايه لأني قاعد ف البيت بقالي شهرين و هقعد ف البيت لحد شهر يناير”. 

وأكمل: “اتفاجئت ان النادي استغني عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان اعرف موقفي بعد ما اتقال ليا قبل كده من مدير الكورة اني متقيد في النادي لحد دلوقتي انا قاعد ف البيت بسبب تعاملي بإحترام واحتراف زي ما اتربيت و اتعلمت من وأنا صغير”. 

علي ياسر لاعب الزمالك السابق

وأشار: “بس في الكورة ساعات بيجوا علي المحترم والمتربي شوية و دايما هيفضل عندي قناعة ان ف الكورة زي ما في الحلو في الوحش وده جزء كبير من الكورة فبكل الظروف هنعدي بيه و نستحمله عشان دي الحاجه الي الواحد بيعرف يعملها و بيحبها، والله يعلم اني محب ومشجع لنادي الزمالك منذ الصغر و اني كنت اتمني اتوج مع نادي الزمالك ب كل شئ لان ده حلمي منذ الصغر لكن بعض الناس كان لها رأي اخر”.

واختتم علي ياسر حديثه: "لكن حابب اشكر الجمهور و الاعيبة والمدربين الي وقفوا معايا و سندوني في اول ظهور ليا مع نادي الزمالك و فضهري من ونا صغير داخل جدران نادي الزمالك ودايما كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا و لنادي الزمالك وشكرا.