الأربعاء 06/نوفمبر/2024 - 06:10 م

كشفت الفنانة حورية فرغلي تعرضها لموقف محرج بعد تعاقدها على عمل فني، مشيرة إلى أن معظم أعمالها الفنية ليست لها علاقة بالجمال ولا تستعين بالمكياج في أعمالها الفنية.

وقالت حورية فرغلي خلال تصريحات تليفزيونية: أنا زعلانة على نفسي بس مش هبين لحد.. من سنة اتعرض عليا فيلم مهم وكنت سعيدة بيه قبل ما أصور بأسبوع المخرج كلمني قالي إنتي اسمك مبقاش يبيع بعد ما كنتي سوبر ستار.

وأضافت حورية فرغلي: أنا هكمل 48 سنة وحاسة إني كبرت وعجزت، وأكتر حاجة بكرها في حياتي المكيب.. ومعظم شغلي ملوش علاقة بالجمال خالص، ومحدش يقدر يقول عليا إني ممثلة مش قوية.

تفاصيل تركيب حورية فرغلي لـ أنف صناعية

وعلى جانب آخر، كشف مصدر مقرب من حورية فرغلي مؤخرًا تفاصيل تركيبها لأنف صناعية منذ عامين، مشيرا إلى أنها بكت بمجرد رؤيتها لـ أنفها الجديد، الذي أعاد لها شكلها السابق حسب وصفها. 

وأكد المصدر المقرب من حورية فرغلي في تصريحات خاصة لـ القاهرة 24، أنها ركبت أنفا صناعية منذ عامين في إنجلترا، وجاء هذا بعد اقتراح المخرج خالد الحجر عليها، وكان الأمر مكلفا بشكل كبير.

وأضاف المصدر: بعد ما حورية ركبت الأنف الصناعية وشافت نفسها عيطت وقالت أنا رجعت حورية بتاعت زمان، وبتلبسها في الحوارات المسجلة بس بعيدا عن الحياة اليومية. 

وسبق وقدمت حورية فرغلي مسرحية رابونزل بالمصري للأطفال، على خشبة المسرح، وقالت في لقائها مع القاهرة 24: الجمهور وحشني والنجاح وحشني والشغل وحشني، وهتقول أنا هرجع تاني للناس هتقولي مناخيرك ومشاكلك، وقولت الأطفال هيحبوني حتى لو أنا عاملة إزاي.